Xalq deputatlari Bag‘dod tumani Kengashining 7-"Yo‘ldoshobod" saylov okrugi deputati M.Dexqonov, Kengash Kotibiyati mudiri G‘.Abdullayev hamda O‘zLiDeP Bag‘dod tuman Kengashi apparat rahbari R.Yegitaliyev tomonidan "Xo‘jaqishloq" mahalla fuqarolar yig‘ini hududida navbatdagi ko‘chama-ko‘cha o‘rganish ishlari olib borildi.

O‘rganishlar davomida "Marvarid" ko‘chasida istiqomat qiluvchi fuqaro F.Ro‘zmatov tomonidan ichimlik suvi ta’minoti bilan bog‘liq muammo yuzasidan murojaat bildirildi. Murojaatda Mirishkor ko‘chasidagi 15-son davlat maktabgacha ta’lim tashkiloti yonida qazilgan ichimlik suvi qudug‘iga o‘rnatilgan suv minorasining texnik holati qoniqarsiz va ta’mirtalab bo‘lgani sababli bugungi kunda foydalanilmayotgani, buning oqibatida mazkur hududdagi aholi ichimlik suvidan to‘liq foydalana olmayotgani qayd etildi.

Shuningdek, fuqaro suv minorasini ta’mirlash hamda undan samarali foydalanishni ta’minlash maqsadida qulayroq joyga ko‘chirish bo‘yicha amaliy yordam so‘radi.

Aniqlangan mazkur masala deputatning "Ko‘chama-ko‘cha aylanish" daftariga qayd etilib, ijrosini ta’minlash maqsadida deputat so‘rovi yuborilishi belgilandi.