Xalıq deputatları Taxtakópir rayonlıq Keńesi baslıǵı A.Reyov, sekretariat baslıǵı T.Jusipov hám Jergilikli byudjet, еkonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiyası baslǵı S.Kayrzaeva, orınbasarı E.Begmanov hám de Sociallıq taraw, jaslar siyasatı, mádeniyat hám sport máseleleri boyınsha turaqlı komissiyası baslıǵı Q.Jalievler birgelikte rayonlıq Keńestiń 2026-jıl
30-iyundaǵı VII-22-66-13-189-K/26-sanlı qararınıń orınlanıwı sheńberinde ámelge asırılıp atırǵan qurılıs jumısları ornına shıqqan halda úyrenildi.
Úyreniw dawamında rayon orayındaǵı Berdaq kóshesinde qurılıp atırǵan jańa piyadalar jolınıń qurılıs sapası, jumıslardıń belgilengen joybar hám múddetlerge muwapıq orınlanıwı kózden ótkerildi.
Deputatlar tárepinen juwapkerlerge qurılıs jumısların sapalı hám óz waqtında juwmaqlaw, ajıratılǵan qarjılardan maqsetli paydalanıw jáne xalıq ushın qolaylı infrastrukturanı jaratıw boyınsha tiyisli usınıslar berildi.
✅ Xalıq deputatları rayonlıq Keńesi qararlarınıń orınlanıwı ústinen deputatlıq qadaǵalaw turaqlı ámelge asırılmaqta.