Mazkur dastur “Yoshlarga oid davlat siyosati to‘g‘risida”gi Qonun, “Ta’lim to‘g‘risida”gi Qonun, “Bola huquqlarining kafolatlari to‘g‘risida”gi Qonun hamda “Mahalliy davlat hokimiyati to‘g‘risida”gi Qonunda belgilangan vazifalar ijrosini ta’minlashga qaratilgan.

Sessiyada yoshlarning yozgi ta’til davrida bo‘sh vaqtini mazmunli tashkil etish, ularni sport, madaniyat, kitobxonlik, intellektual va ma’naviy-ma’rifiy tadbirlarga keng jalb qilish, mahallalarda sog‘lom va xavfsiz muhit yaratish masalalari muhokama qilindi.

Shuningdek, dastur doirasida mas’ul tashkilotlar, mahalla faollari, ta’lim muassasalari va yoshlar yetakchilari hamkorligini kuchaytirish, tadbirlarning manzilli va natijador tashkil etilishi yuzasidan tegishli vazifalar belgilandi.

✅ Yunusobod tumanida yoshlarning yozgi ta’tilini mazmunli, xavfsiz va samarali o‘tkazishga qaratilgan ishlar tizimli ravishda davom ettiriladi.