🏅 Xalq deputatlari Xorazm viloyat Kengashi deputati A.Ishchanov viloyat Kengashi tomonidan tasdiqlangan reja-grafikka asosan Shovot tumani “Madaniyat” mahalla fuqarolar yig‘inida o‘rganish ishlari olib borildi.

📍 O‘rganish davomida asosiy e’tibor quyidagilarga qaratildi:

🔹 Investitsiya dasturlari: Hududda amalga oshirilayotgan loyihalarning borishi va sifat ko‘rsatkichlari ko‘zdan kechirildi.

🔹 Bo‘sh turgan bino va inshootlar: Tadbirkorlikni rivojlantirish maqsadida 2026-yil yanvar oyida o‘tkazilgan xatlov natijalarini qayta tahlil qilish uchun tuman kadastr bo‘limiga deputatlik so‘rovi yuborilishi belgilandi.

🔹 Xotin-qizlar tadbirkorligi: Mahalla hududida tikuvchilik sexini tashkil qilgan tadbirkor ayolning murojaati tinglandi. U auksion orqali sotib olgan joyda qurilish ishlarini qisqa muddatda boshlashi uchun hokim yordamchisiga tegishli ko‘rsatmalar berilib, ijrosi nazoratga olindi.

✅ Xalq vakili tomonidan hududlardagi muammolarni bartaraf etish va tadbirkorlar uchun yangi imkoniyatlar yaratish borasidagi ishlar davom etmoqda.