"Banokatiy" mahallasi aholisi uchun tashkil etilgan navbatdagi sayyor qabul davomida fuqarolarning turli yo‘nalishlardagi muammoli masalalari o‘rganildi. 

Qabulga kelgan murojaatlar asosan turar joy va kommunal sohadagi muammolar, sanitariya holati, atrof-muhitni obodonlashtirish, hududdagi qo‘shimcha infratuzilma talablari hamda ijtimoiy yordam masalalarini qamrab oldi.

Sayyor qabul jarayonida hokim tomonidan murojaatlar chuqur o‘rganilib, katta qismi joyida hal etildi, qolgan qismi bo‘yicha qisqa fursatda bartaraf etish uchun mutasaddi tashkilotlarga aniq topshiriqlar berildi.

Hokim tomonidan barcha masalalarga shaxsan yondashilgan holda, fuqarolarning qonuniy manfaatlarini himoya qilish, ularning turmush sharoitini yaxshilash hamda joylarda yuzaga kelayotgan muammolarni tizimli ravishda hal etishga alohida e’tibor qaratildi.