Yangiliklar

Oʻzbekiston va Iordaniya oʻrtasida 15 ta hujjat imzolandi.
Samarqandda Iordaniya Podshohi Abdulla II ibn al-Husayn va Prezident Shavkat Mirziyoyev yurtimiz sanoat mahsulotlari koʻrgazmasini koʻzdan kechirdi.
Kongress markazida xorijiy bozor talablariga javob beradigan yuqori sifatli mahsulotlar taqdim etildi. Tadbirda togʻ-kon, farmatsevtika, kimyo, toʻqimachilik, zargarlik, qishloq xoʻjaligi va axborot texnologiyalari sohalaridagi ishlanmalar, ishlab chiqarish quvvatlari va innovatsiyalarga oid maʼlumotlar berildi.
Koʻrgazmada tayyor sanoat mahsulotlari — dori vositalari, tibbiy asboblar, mineral oʻgʻitlar, trikotaj va zargarlik buyumlari, hunarmandchilik namunalari hamda IT yechimlari namoyish qilindi.
Davlat rahbarlari korxonalar oʻrtasida kooperatsiyani kengaytirish, texnologiyalar transferi va tajriba almashishni muhim deb topdilar.
Oʻzbekiston va Iordaniya hamkorligi asosida vizasiz rejim joriy etilishi mumkin
Samarqandda Prezident Shavkat Mirziyoyev va Iordaniya Podshohi Abdulla II ibn al-Husayn ikki tomonlama hamkorlikni kengaytirish masalalari yuzasidan muzokaralar oʻtkazdi.
Uchrashuv avvalida Iordaniya yetakchisi Oʻzbekistonga ilk oliy darajadagi davlat tashrifi uchun koʻrsatilayotgan samimiy qabul uchun minnatdorlik bildirdi. Bu tashrif diplomatik munosabatlar tarixida yangi bosqich boshlab berishi taʼkidlandi.
Suhbatda siyosiy muloqot, savdo-iqtisodiy va investitsiyaviy hamkorlik, madaniy-gumanitar almashinuv masalalari muhokama qilindi. Yetakchilar BMT, Islom hamkorlik tashkiloti va boshqa xalqaro tuzilmalar doirasidagi samarali hamkorlikni davom ettirish zarurligini qayd etdilar.
Ikki mamlakat savdo koʻrsatkichlarini bir necha barobar oshirish, qoʻshma investitsiya loyihalarini amalga oshirish va yangi shartnomalar imzolashga tayyorlik bildirdi. Xususan, kimyo va toʻqimachilik sanoati, “aqlli” qishloq xoʻjaligi, geologiya, sogʻliqni saqlash, farmatsevtika va turizm kabi sohalarda kooperatsiyani rivojlantirishga kelishib olindi.
Tomonlar poytaxtlar oʻrtasida toʻgʻridan-toʻgʻri aviaqatnovlarni yoʻlga qoʻyish va vizasiz rejim joriy etish orqali ishbilarmonlik va sayyohlik aloqalarini kuchaytirish zarurligini taʼkidladilar.
Hukumatlararo komissiya va Ishbilarmonlar kengashi ishga tushirilishi, yil oxirigacha ularning ilk yigʻilishlari oʻtkazilishi taklif qilindi. Oʻzbekiston–Iordaniya biznes forumi oʻtkazilishi esa ishbilarmon doiralar uchun uzoq muddatli sheriklikka yoʻl ochishi kutilmoqda.
Muzokaralarda madaniy, taʼlim va turizm aloqalarini kengaytirish, qoʻshma madaniyat haftaliklari, konsertlar va koʻrgazmalar tashkil etish masalalari ham muhokama qilindi. Shu bilan birga, maʼrifiy islom gʻoyalarini ilgari surish, “Aqaba jarayoni” tashabbusining navbatdagi yigʻilishini Samarqandda oʻtkazish taklifi ilgari surildi.
Prezident Shavkat Mirziyoyevni Iordaniyaning “An-Nahda” ordeni bilan taqdirlash marosimi boʻlib oʻtdi
Ushbu mamlakatning oliy mukofotini davlatimiz rahbariga Iordaniya Hoshimiylar Podshohligi Podshohi Abdulla II ibn al-Husayn shaxsan topshirdi.
Diplomatik munosabatlar tarixidagi ilk oliy darajadagi tashrif ikki tomonlama hamkorlikda yangi bosqichni boshlab berishi va uni keng qamrovli sheriklik darajasiga koʻtarishga xizmat qiladi.
Xalq deputatlari Jarqo'rg'on tumani Kengashi deputati Zarifa Ahmedova.

Slide 1 of 1