“Dolzarb 90 kun” doirasida amaliy tadbir. 

 Jamiyatda yosh avlodni har tomonlama qo'llab-quvvatlash, ularning ta'limi va ma'naviy tarbiyasiga alohida e'tibor qaratish — davlat siyosatining ustuvor yo'nalishlaridan biridir. 

Shu ma'noda, O‘zbekiston Xalq demokratik partiyasi Oqoltin tuman Kengashi deputati Esanbay Babaev tomonidan “Dolzarb 90 kun” loyihasi doirasida yoshlar bilan navbatdagi amaliy uchrashuv tashkil etildi. Uchrashuv Oqoltin tumani politehnikumida ta'lim olayotgan hamda ingliz tilini chuqur o'zlashtirayotgan o'quvchi yoshlar bilan bo'lib o'tdi. 

Mazkur muloqotda yoshlar uchun horijiy tillarni o'rganishning ahamiyati, bugungi globallashuv jarayonida til bilimlari orqali keng imkoniyatlar eshigi
ochilayotgani ta'kidlandi. Shu bilan birga, yoshlarning bo'sh vaqtlarini mazmunli va samarali o'tkazish, ularning intellektual va ma'naviy salohiyatini
yuksaltirish masalalariga ham alohida e'tibor qaratildi. 

Deputat E.Babaev ta'limga bo'lgan qiziqishni oshirish, yoshlarni ilmiy va amaliy faoliyatga jalb etish bo'yicha bir qator taklif va tavsiyalarini bildirib,
ularni qo'llab-quvvatlashga tayyor ekanligini alohida ta'kidladi. 

Tadbir davomida o'quvchilar o'zlarini qiziqtirgan savollarga javoblar oldilar va kelgusi rejalar haqida fikr almashdilar. 

Shu kabi uchrashuvlar yoshlarning salohiyatini ro'yobga chiqarishda muhim ahamiyat kasb etadi va “Dolzarb 90 kun” loyihasi doirasida amalga oshirilayotgan ishlar samarasi sifatida qayd etiladi.