Xalq deputatlari tuman Kengashi deputati Zulfiya Abduraimova “Balandchaqir” mahallasida “yettilik” tarkibiga kiruvchi mas’ullar - hokim yordamchisi Lazizbek Murotqulov, yoshlar yetakchisi Samandar Sultonmurodov va ijtimoiy xodim Muhammad Ismoilov tomonidan amalga oshirilayotgan ishlar bilan tanishdi.  

Tashrif jarayonida aholi muammolarini o‘rganish, xonadonbay manzilli ijtimoiy yordam ko‘rsatish, yoshlar bilan ishlash samaradorligini oshirish, mahallaning ijtimoiy-iqtisodiy rivojlanishiga qaratilgan chora-tadbirlar bo‘yicha axborotlar tinglandi. 

Shu bilan birga, ehtiyojmand oilalar ro‘yxatini shakllantirish, ularni qo‘llab-quvvatlash, bandlikka ko‘maklashish va profilaktik tadbirlar samaradorligini ta’minlash masalalari muhokama qilindi. Uchrashuv yakunida mahalla yettiligi faoliyatini yanada takomillashtirish bo‘yicha tegishli tavsiyalar belgilab olindi.