Жорий йилнинг 9 июль куни Президентимиз раислигида ўтказилган видеоселектор йиғилишида йўл ҳаракати хавфсизлигини таъминлаш ва тирбандликларни камайтириш бўйича муҳим масалалар кўтарилди. Бу йиғилишда илгари сурилган ташаббус ва таклифлар нафақат соҳа мутахассислари, балки бутун жамоатчилик учун муҳим аҳамиятга эга.

Шу билан бирга, йиғилишда кўтарилган танқидлар ўринли эканини ҳам эътироф этиш жоиз. Юртимизнинг турли ҳудудларида содир бўлаётган ҳар тўртинчи йўл-транспорт ҳодисасида бир инсон ҳалок бўлаётгани барчамизни ўйга толдиради. Зеро, бу рақамлар ортида инсон ҳаёти, тақдири бор.

Президентимиз томонидан тилган олинган яна бир масала халқнинг кўнглидаги гап бўлди. Айрим ҳокимият ва идоралар ходимларининг ўз хизмат бинолари олдида йўлни тўсиб қўйиши, ноқонуний “парковка”лар орқали фуқароларга ноқулайлик туғилаётгани бор гап.

Биз Президент томонидан билдирилган таклиф ва топшириқларни қўллаб-қувватлаймиз. Давлат хизматчилари жамоат транспортидан фойдаланишига оид ташаббус – жамиятда тенглик тамойилини қарор топтиришга хизмат қилади. Асоссиз белгиларни олиб ташлаш ва фото-видео назорат орқали жазо муқаррарлигини таъминлаш – қоидабузарликларга қарши тизимли ёндашувнинг ифодасидир.

Жойларда назоратни кучайтирамиз ва аҳоли фикрини ҳисобга олган ҳолда таклифлар бериб боришни давом эттирамиз. Зотан, бу масалада барчамиз бирдек масъулмиз.                                                                                                                             

Халк депутатлари Янгиқўрғон туман Кенгаши депутати Ашуров Алишер Иброхимович