"Adolat" SDP Bekobod shahar Kengashi, Xalq deputatlari Bekobod shahar kengashi deputatlari X.Ibragimova, U.Abdunazarov, G.Sharipova, shahar Adliya bo‘limi yuridik markazi mas’ul xodimi D.Jo‘rayeva bilan hamkorlikda 2025-yil avgust oyi "Huquqiy ko‘mak" fuqarolarga bepul huquqiy yordam aksiyasi tashkil etildi. Tadbir doirasida
Bekobod shahri mahallalarida istiqomat qiluvchi xotin-qizlar uchun huquqiy mavzuda suhbat bo‘lib o‘tdi. Suhbat davomida aholini huquqiy savodxonligini oshirish va ular muammolarini qonuniy hal qilish borasida hamkor tashkilotlar bilan olib borilayotgan ishlar haqida ma’lumot berildi. Shuningdek, suhbat davomida arxiv ma’lumotnomalarini olish, voyaga yetmagan bolaga aliment undirish masalalari, pensiyaga chiqishdagi qulayliklar va boshqa masalalardagi murojatlarning barchasiga ishtirokchilar tomonidan huquqiy tushintirishlar berildi. Tadbir davomida bugungi kun muammosi bo‘lgan korrupsiya to‘g‘risida ham alohida to‘xtalib, bu illat bilan kurashish barchaning ishi ekanligi, korrupsiyaning har qanday holatlariga chek qo‘yish to‘g‘risida ham atroflicha tushunchalar berib o‘tildi.