O‘zbekiston Respublikasi Prezidenti Shavkat Mirziyoyevning Turkmanistonga rasmiy tashrifi xalq diplomatiyasining yorqin namunasi bo‘lib, bugun nafaqat siyosiy doiralar, balki oddiy odamlar qalbida ham ishonch, quvonch va kelajakka umid uyg‘otdi.

Ushbu tashrif — yillardan beri shakllangan do‘stlik, mushtarak madaniyat va tarixiy yaqinlikning mantiqiy davomidir. Ammo eng muhimi — bu tashrif natijalari bevosita xalq hayotida o‘z aksini topadi. Chegara hududlarida savdo, transport, sog‘liqni saqlash, ta’lim kabi sohalarda erishilgan kelishuvlar oddiy odamlar hayotini yengillashtiradi, imkoniyatlarini kengaytiradi.

Biz, xalq deputatlari, bu jarayonlarda faqat kuzatuvchi emas, balki faol ishtirokchi bo‘lishimiz kerak. 

Yaxshi qo‘shnichilik bu — yuksak siyosat emas, yurakdan yurakka boradigan yo‘ldir. Tashrif mazmuni shuni yana bir bor isbotladi: biz kelajakka birga yurmoqdamiz — qadamimiz barakali, yo‘limiz porloq bo‘ladi!

Farhod Soyibov, 

Xalq deputatlari Zarafshon shahar Kengashi deputati