Bekobod tumanida 2025-yil g‘alla mavsumini uyushqoqlik bilan o‘tkazish, g‘alladan bo‘shagan yer maydonlariga o‘t qo‘ymaslik, bunday harakatlar uchun nazarda tutilgan qonuniy javobgarlik, talon-tarojliklarni oldini olish, hosilni nes-nobud qilmasdan yig‘ishtirib olish borasida amalga oshirilishi belgilangan ishlar yuzasidan Bekobod tumani prokurori B.Jalilovning axboroti eshitildi. 

Doimiy komissiya a’zolari tomonidan ushbu dolzarb masala muhokama qilinib, Xalq deputatlari tuman Kengashining navbatdan tashqari VII chaqiriq 14-sessiyasi kun tartibiga kiritish tavsiya etildi.