Payariq tumanidagi 65 ta mahallaga saylangan raislarga guvohnomalar va ko‘krak nishonlari topshirildi. 

Tadbirda tuman kengashi deputatlari, tashkilotlar rahbarlari ham ishtirok etdi.

Tuman hokimi I.Jabborov mahalla raislarini tabriklab, kelgusi faoliyatiga omad tiladi. Topshiriladigan guvohnomalar bu sizga katta mas’uliyat yuklaydi deya ta’kidlab o‘tdi.

Mamlakatimizda amalga oshirilayotgan islohotlar, xususan “Mahalla yettiligi” tizimi faoliyatini kuchaytirish, fuqarolar murojaatlari bilan ishlash, ijtimoiy-iqtisodiy muammolarni joyida hal etish borasidagi chora-tadbirlar xususida ham so‘z yuritdi.

Mahalla raislarining jamiyatda tutgan o‘rni, aholi bilan bevosita muloqotda bo‘lishi, har bir fuqaroning muammosiga e’tibor bilan yondashish zarurligi ta’kidlab o‘tildi.

Tadbir davomida mahalla raislariga xizmat guvohnomalari va “Mahalla raisi” ko‘krak nishoni tantanali tarzda topshirildi.