Xalq deputatlari Parkent tuman Kengashiga 13-Istiqbol saylov okrugidan saylangan deputat Mahmudova Baxtinisa Zuxriddinovna tomonidan jamoatchilik nazoratini amalga oshirish maqsadida “Istiqbol” MFY hududida
joylashgan Markaziy poliklinikada aholiga o‘z vaqtida va sifatli tibbiy xizmat ko‘rsatilishi holati o‘rganildi. O‘rganish jarayonida deputat tomonidan poliklinikada aholiga ambulatoriya xizmati ko‘rsatish uchun yaratilgan sharoitlar, tibbiy xizmat sifati hamda sanitariya holati ko‘zdan kechirildi. Shuningdek, muassasaga murojaat qilgan bemorlar bilan suhbat o‘tkazilib, ularning fikr-mulohazalari tinglandi. Tadbir davomida deputat poliklinikaga tashrif buyurgan fuqarolar bilan samimiy muloqot qilib, ularning muammolari, taklif va ehtiyojlarini o‘rgandi. O‘rganishlar natijasida poliklinikada yaratilgan tibbiy sharoitlar bugungi kun talablariga mos ekani, aholiga sifatli va qulay tibbiy xizmat ko‘rsatish uchun zarur imkoniyatlar mavjudligi qayd etildi.