Xalq deputatlari Guliston shahar Kengashining Ijtimoiy soha, yoshlar siyosati, madaniyat va sport masalalari hamda Mahalliy byudjet, tadbirkorlikni rivojlantirish va iqtisodiy islohotlar bo‘yicha doimiy komissiyalari qo‘shma yig‘ilishi bo‘lib o‘tdi.

Yig‘ilishda shahar iqtisodiyot va moliya bo‘limi mas’ul xodimi tomonidan Guliston shahar hokimligi huzuridagi “Infratuzilma va ijtimoiy barqarorlik” jamg‘armasi mablag‘lari hamda mahalliy byudjetning qo‘shimcha manbalari hisobidan mablag‘ ajratish bo‘yicha takliflar taqdim etildi.

Shuningdek, O‘zbekiston Respublikasi Prezidentining PF–158-sonli Farmoni bilan tasdiqlangan “O‘zbekiston–2030” strategiyasi hamda “Yoshlarga oid davlat siyosati to‘g‘risida”gi Qonun ijrosi yuzasidan Yoshlar ishlari agentligi shahar bo‘limi boshlig‘ining hisoboti eshitildi va muhokama qilindi.

Yig‘ilish davomida deputatlar tomonidan savol va takliflar bildirildi, kun tartibidagi masalalarni navbatdagi sessiyada ko‘rib chiqish ma’qullandi.