🚧 Deputat nazoratida: Bahor MFYda ko‘cha muammosi o‘rganildi.

Guliston shahridagi “Bahor” MFY hududida ichki ko‘cha yo‘llari holati bo'yicha 19-saylov okrugi deputati Yu.Usmanova tomonidan mahallani ichki ko'chalarini o‘rganish maqsadida deputatlik nazorati doirasida joyiga chiqib o‘rganish ishlari olib borildi.

O‘rganish jarayonida mahallaning Qahramon ko‘chasida ichimlik suvi quvurlari yorilgani sababli ko‘cha yo‘llarini suv bosgani aniqlandi. Mazkur holat aholi harakatlanishida qiyinchilik tug‘dirib, yo‘l infratuzilmasiga ham salbiy ta’sir ko‘rsatmoqda.

Aniqlangan muammo yuzasidan mas’ul tashkilotlarga nosoz ichimlik suvi tarmog‘ini tezkor ta’mirlash, ko‘chadagi suvni chiqarish hamda yo‘l qoplamasini tiklash bo‘yicha choralar ko‘rish yuzasidan tegishli murojaat va nazorat ishlari olib borilmoqda.

Mazkur masala deputatlik nazoratiga olingan bo‘lib, muammo to‘liq bartaraf etilgunga qadar nazorat davom etadi.