Olmaliq shahrida mahalla bay mahalla yurib, aholi turmush darajasini oshirish, hududiy drayverlarni aniqlash hamda xususiy sektor vakillarini qo‘llab-quvvatlash bo‘yicha tizimli ishlar davom etmoqda.
Xususan, shahardagi "Hilol" mahallasida joylashgan investitsiya korxonalari faoliyati hamda aholi bandligini ta’minlash borasida amalga oshirilayotgan amaliy ishlar yaqindan o‘rganildi. O‘rganish jarayonida shahar hokimligi kotibiyat mudiri Sevar Qodirova hamda hokim o‘rinbosari Shermuhammad Begiyev ishtirok etishdi.

🔍 O‘rganish davomida asosiy e’tibor nimalarga qaratildi?
Ishlab chiqarish quvvatlari va investitsiyalar: Mahallada faoliyat yuritayotgan ishlab chiqarish obyektlari, investitsiya loyihalarining joriy holati va kelgusi rejalar ko‘rib chiqildi.
Yangi ish o‘rinlari: Korxonalarda yaratilayotgan ish o‘rinlari barqarorligi, birinchi navbatda, mahalladagi ishsiz fuqarolar hamda yoshlarni ish bilan ta’minlash qamrovi tahlil qilindi.
Tadbirkorlarni qo‘llab-quvvatlash: Ishlab chiqarish unumdorligini oshirish va mavjud quvvatlarni kengaytirish yo‘lidagi masalalar hamda ularning yechimi yuzasidan mas’ullar bilan fikr almashindi.

Muloqot chog‘ida hududda yangi loyihalarni jalb etish, mavjud imkoniyatlardan samarali foydalanish hamda har bir xonadon daromadini oshirishga xizmat qiladigan amaliy choralarni kuchaytirish bo‘yicha tegishli tavsiyalar va topsiriqlar berildi va aniqlangan kamchiliklar deputatning ko'chama-ko'cha aylanish jurnaliga kiritilib ijro nazoratiga olindi.