O‘rganishlar davomida mahallada xonadonma-xonadon yurilib, «Obod xonadon – obod ko‘cha – obod mahalla» tamoyili asosida amalga oshirilayotgan obodonlashtirish ishlari, ko‘cha va ichki yo‘llarning holati, xonadonlar va tomorqalarning ozodaligi, hududlarni ko‘kalamzorlashtirish, sanitariya talablariga rioya etilishi hamda aholi ishtirokida olib borilayotgan xayriya va hashar tadbirlari ko‘zdan kechirildi.
Shuningdek, mahalla faollari va fuqarolar bilan muloqot o‘tkazilib, aholini qiynayotgan masalalar tinglandi. Aniqlangan kamchiliklarni bartaraf etish, obodonlashtirish ishlarini yanada jadallashtirish hamda aholi ishtirokini kengaytirish bo‘yicha mas’ullarga tegishli tavsiya va takliflar berildi.
Mahallalarda amalga oshirilayotgan bunday o‘rganishlar hududlarni obod qilish, aholi uchun yanada qulay va farovon yashash muhitini yaratish hamda davlatimiz rahbari tomonidan belgilangan vazifalar ijrosini ta’minlashda muhim ahamiyat kasb etadi.