#kunlik_ish_reja_ijrosi
#24_ta_masala
#deputat_faoliyati
#kotibiyat_xodimi
#162_qonun

"Birdamlik" mahallasida rais va yoshlar yetakchisi faoliyati tahlil qilindi

Bandixon tumanida mahalla boshqaruvini samarali tashkil etish, yoshlarni har tomonlama qo‘llab-quvvatlash hamda aholi muammolarini joyida hal etish borasidagi islohotlar ijrosi deputatlik nazoratining diqqat markazida turibdi.

Xalq deputatlari Bandixon tumani Kengashiga 8-“Birdamlik” saylov okrugidan saylangan deputat Rajabov Botir Jo‘rayevichga biriktirilgan tuman Kengashi kotibiyati bosh mutaxassisi E.Eshonqulov tomonidan “Birdamlik” mahallasida navbatdagi nazorat-tahlil tadbiri olib borildi.

Tahlil markazidagi mas’ullar va yo‘nalishlar:

O‘rganishlar davomida mahalla faollarining bugungi kundagi ish samaradorligi hamda o‘zaro hamkorligi quyidagi yo‘nalishlar kesimida atroflicha ko‘rib chiqildi:

1. Mahalla raisining ish yurituv tizimi:

O‘zbekiston Respublikasi Prezidentining mahalla boshqaruvini takomillashtirishga oid farmon va qarorlari ijrosi, "mahalla yettiligi" faoliyatini muvofiqlashtirish, aholi murojaatlari bilan ishlashda ochiqlik hamda xonadonbay o‘rganishlar natijalari tahlil qilindi.

2. Yoshlar yetakchisi faoliyati (O‘RQ-406 doirasida):

O‘zbekiston Respublikasining “Yoshlarga oid davlat siyosati to‘g‘risida”gi Qonuni talablaridan kelib chiqib:

• 🟢 Yoshlar bandligi: Mahalladagi ishsiz yoshlar reyestri, ularni doimiy ish o‘rinlariga joylashtirish va tadbirkorlikka yo‘naltirish;

• 🟢 Ijtimoiy ko‘mak: "Yoshlar daftari" orqali ehtiyojmand yoshlarga manzilli yordam ko‘rsatish va ularning muammolarini hal etish;

• 🟢 Bo‘sh vaqt: Yoshlarning bo‘sh vaqtini mazmunli o‘tkazish bo‘yicha madaniy va sport tadbirlari qamrovi ko‘rib chiqildi.

O‘rganish yakunida aniqlangan uslubiy masalalarni bartaraf etish, yoshlar bandligini ta’minlash choralarini yanada jadallashtirish hamda aholi murojaatlari bo‘yicha tezkor choralarni ko‘rish yuzasidan mas’ullarga tegishli tavsiya va ko‘rsatmalar berildi.