Mahalla “yettilik” faoliyati deputat tomonidan o‘rganildi:
Xalq deputatlari tuman Kengashi deputati tomonidan o‘z saylov okrugida mahalla “yettilik” faoliyati yuzasidan deputatlik nazorati tartibida o‘rganish olib borildi.
O‘rganish jarayonida mahallada aholi murojaatlari bilan ishlash, ijtimoiy himoyaga muhtoj oilalarni qo‘llab-quvvatlash, bandlikni ta’minlash, yoshlar va xotin-qizlar bilan ishlash, huquqbuzarliklar profilaktikasi hamda soliq bazasini kengaytirish bo‘yicha amalga oshirilayotgan ishlar tahlil qilindi. O‘rganishda har bir yo‘nalish bo‘yicha erishilgan natijalar, mavjud muammo va kamchiliklar muhokama qilinib, ularni bartaraf etish yuzasidan amaliy takliflar ishlab chiqildi. Shuningdek, aholi bandligini oshirish, kambag‘allikni qisqartirish, ijtimoiy xizmatlarning manzilliligini kuchaytirish va mahalladagi muammolarni tezkor hal etish bo‘yicha “yettilik” a’zolariga tegishli tavsiyalar berildi.