O‘rganish davomida oiladagi mavjud vaziyat, ajrim yoqasiga kelib qolgan oila a’zolari bilan suhbat o‘tkazilib, oilaviy munosabatlarni mustahkamlash, farzandlar manfaatlarini himoya qilish hamda oilani saqlab qolish masalalariga alohida e’tibor qaratildi.

Shuningdek, oila a’zolariga amaliy tavsiyalar berilib, yuzaga kelgan muammolarni o‘zaro muloqot va kelishuv asosida hal etish yuzasidan profilaktik tushuntirish ishlari olib borildi.

Suhbatda mahalla faollari va mas’ullar ishtirok etib, oiladagi ijtimoiy-ma’naviy muhitni yaxshilash bo‘yicha fikr va tavsiyalar bildirildi.

Oilalar mustahkamligini ta’minlash, ajrimlarning oldini olish hamda sog‘lom ma’naviy muhitni shakllantirish jamiyat barqarorligining muhim omillaridan biridir.