Xalq deputatlari Angor tumani Kengashi 3-Gilambob saylov okrugi deputati Mavlonova Ra’no tomonidan fuqaro murojaati ijobiy hal etildi .Xomkon mahallasida yashovchi fuqaro Toshtemirova Go‘zal tomonidan murojaat kelib tushgan bo'lib, bunda fuqaroning sog‘lig‘ida muammolari mavjudligi, doimiy ravishda davolanib turishi zarurligi, biroq buning uchun zarur sharoit va imkoniyatlar yetarli emasligi bayon etilgan. Mazkur murojaat deputat tomonidan tegishli tartibda o‘rganilib, mutasaddi tashkilotlar hamda mahalla yettiligi bilan hamkorlikda fuqaroni ijtimoiy reyestrga kiritish va unga zarur amaliy yordam ko‘rsatish choralari ko‘rildi. Natijada murojaat ijobiy hal etilib, fuqaroning ijtimoiy himoyasi ta’minlandi.