Qaraqalpaqstan Respublikası Joqarǵı Keńesiniń Jergilikli hákimiyattıń wákillikli hám puqaralardıń ózin-ózi basqarıw uyımları jáne mámleketlik uyımlardıń ashıq-aydınlıǵın támiyinlew máseleleri komitetiniń baslıǵı Sh.Ótemisov Xalıq deputatları Qaraózek rayonlıq Keńesi sekretariatınıń iskerlik jumısları menen jaqınnan tanıstı.

 Komitet baslıǵı Sh.Ótemisov jergilikli Keńeslerge jańadan berilip atırǵan wákillikler hám usı tiykarda jańadan qabıl etilip atırǵan nızam hám qararlardıń mazmun-mánisi haqqında keń túrde maǵlıwmat berip, deputatlar tárepinen ámelge asırılıwı tiyis wazıypalardı atap ótti. 

Bunnan soń jámiyetlik ilajlardaǵı belsendiligi ushın bir qatar taraw wákillerine Qaraqalpaqstan Respublikası Joqarǵı Keńesi Baslıǵınıń minnetdarshılıq xatı tapsırıldı.