Xalq deputatlari Parkent tumani Kengashiga 25-“Oydin” saylov okrugidan saylangan deputat Ismailov Qamariddin Abduraximovich “Said ota” mahallasida bo‘lib, “Mahalla yettiligi” tomonidan amalga oshirilayotgan ishlar bilan tanishdi. O‘rganish jarayonida hokim yordamchisi tomonidan aholini kambag‘allikdan chiqarish, bandligini ta’minlash va oilaviy tadbirkorlikni rivojlantirish yo‘nalishidagi ishlar tahlil qilindi. Natijalarga ko‘ra, 2 nafar ishsiz fuqaro kasb-hunar va tadbirkorlikka o‘qitilgan, 15 nafar fuqaro ishga joylashtirilgan. Yil boshidan buyon 10 nafar fuqaroga tadbirkorlik faoliyatini rivojlantirish uchun kredit ajratilgan, 26 nafar fuqaro o‘zini o‘zi band qilgan shaxs sifatida ro‘yxatdan o‘tkazilgan. Shuningdek, 3 nafar fuqaro uchun kichik ishlab chiqarish va xizmat ko‘rsatish yo‘nalishida mikroloyihalar yo‘lga qo‘yilib, amaliy faoliyat boshlangani qayd etildi. Uchrashuv yakunida MFY raisi bilan hamkorlikda aniqlangan muammolarni bosqichma-bosqich hal etish, ijtimoiy himoyaga muhtoj oilalarni qo‘llab-quvvatlash hamda mavjud kamchiliklarni bartaraf etish bo‘yicha aniq chora-tadbirlar rejasi ishlab chiqildi.