Deputat dalada mehnatkashlar holidan xabar oldi
​Toyloq tumanida ayni kunlarda g‘alla o‘rimi qizg‘in pallaga kirgan. Dala mehnatkashlarining fidokorona mehnati evaziga elimiz dasturxoni to‘kinligi, yurtimiz barqarorligi ta’minlanmoqda.

​Xalq deputatlari Toyloq tumani Kengashi deputati F.Suyarov o‘z saylov okrugida joylashgan "G‘o‘lba" agrofirmasi hududidagi g‘alla maydonlarida bo‘lib, o‘rim-yig‘im ishlarining borishi bilan yaqindan tanishdi.

​🚜 Kombaynchilar va mexanizatorlar bilan suhbatlashib, ularning ish va dam olish sharoitlari bilan qiziqdi.

​🌾 Hosildorlikning borishi hamda donni nes-nobud qilmasdan yig‘ib olish bo‘yicha amalga oshirilayotgan choralar haqida agrofirma mutaxassislari fikrini tingladi.

​🤝 Quyosh taftida sidqidildan mehnat qilayotgan dehqon va mirishkorlarga o‘z minnatdorchiligini bildirib, ularning ishlariga baraka tiladi.

​"Yurtimiz rizq-ro‘zi bo‘lgan g‘allani o‘z vaqtida va sifatli yig‘ib olishda har bir daqiqa g‘animat. Bugun dalada fidokorona mehnat qilayotgan har bir inson tahsinga loyiq", — deya ta’kidladi xalq vakili.

​O‘rim ishlari tizimli ravishda davom etmoqda.

✅Bizni kuzatib boring: 👇
|📲 Telegram | 💻Facebook