Oʻzbekiston Respublikasining 2011-yil 13-apreldagi “Axborot-kutubxona faoliyati toʻgʻrisida”gi OʻRQ-280-son Qonuni ijrosini taʼminlash yuzasidan joylarda amalga oshirilayotgan ishlarni oʻrganish maqsadida tuman Kengashi deputati Erkin Rustamovning saylov okrugidagi Amir Temur mahallasida joylashgan tuman Axborot-kutubxona markazida monitoring oʻtkazildi.

🔰Oʻrganish ishlari tuman Kengashi kotibiyati mudiri G. Tursunova tomonidan amalga oshirildi. Jarayonda axborot-kutubxona markazida Qonun talablarining bajarilishi, aholiga, ayniqsa yoshlar va kitobxonlarga axborot-kutubxona xizmatlari koʻrsatish sifati, kitob fondining saqlanishi va muntazam boyitib borilishi, zamonaviy axborot texnologiyalaridan foydalanish holati oʻrganildi.

🔰Shuningdek, kutubxonada kitobxonlar uchun yaratilgan shart-sharoitlar, elektron axborot resurslaridan foydalanish imkoniyatlari yuzasidan xodimlarning axboroti tinglandi.