Xalq deputatlari Nurobod tumani Kengashi kotibiyati mudiri B. Oblanov hamda tuman Kengashi deputati S. Zoirova tomonidan 23-Xalqobod saylov okrugida joylashgan Xalqobod mahallasida o‘rganish ishlari olib borildi.

🔘O‘rganish davomida mahalla fuqarolar yig‘ini raisi bilan uchrashuv o‘tkazilib, hududni ijtimoiy-iqtisodiy rivojlantirish, mavjud infratuzilma holati hamda aholini qiynab kelayotgan dolzarb masalalar yuzasidan batafsil muhokamalar olib borildi.

🔘Jumladan, mahalladagi ichki yo‘llar, ichimlik suvi, elektr energiyasi, obodonlashtirish, bandlikni ta’minlash, tomorqalardan samarali foydalanish, ijtimoiy soha obyektlari faoliyati hamda fuqarolar tomonidan bildirilayotgan murojaatlar va takliflar o‘rganildi.

🔘Muloqot davomida mavjud muammolarni bosqichma-bosqich bartaraf etish, ularni tegishli tashkilotlar bilan hamkorlikda hal etish hamda amalga oshirilayotgan ishlar samaradorligini oshirish yuzasidan fikr almashildi. Aniqlangan masalalar yuzasidan tegishli mutasaddi tashkilotlarga taklif va tavsiyalar berilishi, ularning ijrosi deputatlik nazorati asosida kuzatib borilishi belgilandi.

🔘Xalq deputatlari Nurobod tumani Kengashi tomonidan hududlarda sayyor o‘rganishlar o‘tkazish, aholini o‘ylantirayotgan muammolarni joyiga chiqib o‘rganish hamda ularni ijobiy hal etishga ko‘maklashish bo‘yicha tizimli ishlar izchil davom ettirilmoqda.