ISHLAR TAHLIL QILIB, FUQARO MUROJAATI O‘RGANILDI 

Xalq deputatlari Quva tuman Kengashi deputati F.Xashimova hamda kotibiyat bosh
mutaxassisi M.Toʻxtasinovlar tomonidan Oqqo‘rg‘on mahalla fuqarolar yigʻinida
hokim yordamchisi faoliyati oʻrganildi. 

Bunda, hokim yordamchisi tomonidan aholini tadbirkorlikka jalb etish, oilaviy biznesni
rivojlantirish, yangi ish oʻrinlari yaratish, tomorqadan unumli foydalanish
bo‘yicha aholiga ko‘rsatilayotgan ishlar tahlil qilindi. Tahlillar asosida
mas’ullarga daromadi past, ishsiz yoki ijtimoiy himoyaga muhtoj oilalar bilan
olib borilayotgan ishlarni yanada jadallashtirish, aholiga koʻrsatilayotgan
xizmatlar sifatini oshirish hamda manzilli ishlash tizimini kuchaytirish
yuzasidan tegishli tavsiyalar berdi. 

Shuningdek deputat tuman hokimligi mas’ullari bilan birgalikda fuqaro tomonidan tushgan
murojaatni o‘rganib, hal etish choralarini belgilab berdi.