Xalq deputatlari Qo‘qon shahar Kengashi deputati M.Mavlonqulov tomonidan Achchiqko‘l mahallasida hokim yordamchisi faoliyatini o‘rganish jarayonida hududda amalga oshirilayotgan tekstil yo‘nalishidagi mikroloyiha bilan yaqindan tanishildi.

O‘rganish davomida mikroloyihaning qurilish ishlari ko‘zdan kechirilib, obyektni foydalanishga topshirish bo‘yicha amalga oshirilayotgan ishlar muhokama qilindi. Mas’ullar tomonidan ma’lum qilinishicha, qurilish-montaj ishlari deyarli yakuniga yetkazilgan bo‘lib, ishlab chiqarish faoliyatini yo‘lga qo‘yish uchun so‘nggi tayyorgarlik ishlari olib borilmoqda.

Mazkur mikroloyiha ishga tushirilishi natijasida mahalla aholisini, ayniqsa xotin-qizlar va yoshlarni doimiy ish o‘rinlari bilan ta’minlash, ularning bandligini oshirish hamda oilalar daromadini ko‘paytirishga xizmat qilishi ta’kidlandi.

Deputat tomonidan loyiha ishga tushirilishini jadallashtirish, ishlab chiqarish jarayonini belgilangan muddatlarda yo‘lga qo‘yish hamda yangi ish o‘rinlarini yaratish masalalari yuzasidan mas’ullar bilan fikr almashildi.

Xalq deputatlari Qo‘qon shahar Kengashi