Xalq deputatlari Termiz shahar Kengashining 2024 yil 30 maydagi VI-76-80-8-121-K/24-son qarori bilan O‘zbekiston Respublikasi Oliy Majlisi Senati Kengashining 2024 yil 13 apreldagi KQ–710-IV-son qarori ijrosini ta’minlash maqsadida deputatlar va Kengash kotibiyati xodimlarining xorijiy mamlakatlarga chiqishi bilan bog‘liq munosabatlarni tartibga soluvchi nizomlar tasdiqlangan.

💬Mazkur qaror bilan deputatlar va kotibiyat xodimlarining xorijga shaxsiy masalalar bo‘yicha chiqish tartibi hamda kotibiyat xodimlarining xorijga chiqish biometrik pasportlarini vaqtincha saqlash tartibi mahalliy Kengash darajasida amalga joriy etilgan.

💬Qaror bilan quyidagi talablar belgilangan:

🟢Xalq deputatlari shahar Kengashi deputatlari hamda davlat siri bilan ishlamaydigan kotibiyat xodimlarining xorijga shaxsiy maqsadlarda chiqishi Kengash raisini yozma ravishda xabardor qilish orqali amalga oshirilishi belgilangan.
🟢Kengash raisini xabardor qilmasdan xorijga chiqishga yo‘l qo‘yilmasligi nazarda tutilgan.
🟢Safar davomida boriladigan davlat o‘zgargan taqdirda, bu haqda ham Kengash raisini qo‘shimcha ravishda xabardor qilish tartibi belgilangan.
🟢Davlat siri yoki harbiy sir bo‘lgan ma’lumotlardan xabardor kotibiyat xodimlarining xorijga chiqishi Kengash raisi bilan kelishilgan holda amalga oshirilishi, murojaat esa, qoida tariqasida, kamida 5 kun oldin taqdim etilishi belgilangan.
🟢Bunday xodimlarning xorijga chiqishiga Kengash raisining yozma rezolyusiyasi asos bo‘lishi belgilangan.
🟢Shuningdek, xorijga chiquvchi deputatlar va kotibiyat xodimlariga maxfiylik rejimi hamda xalqaro etiket qoidalariga rioya qilish yuzasidan tushuntirish ishlarini tashkil etish tartibi ham belgilangan.

💬 Mazkur qaror deputatlar va kotibiyat xodimlarining xorijiy safarlari bilan bog‘liq munosabatlarni yagona tartib asosida tashkil etish, davlat manfaatlari va xavfsizligini ta’minlash hamda xizmat intizomini yanada mustahkamlashga xizmat qilmoqda.

🫥Qonunga rioya qilish — mas’uliyatli davlat xizmati va deputatlik faoliyatining muhim mezonidir.