Sessiya oldi o‘rganish jarayonlari davom etmoqda

❗️Xalq deputatlari O‘rta Chirchiq tumani Kengashining ish rejasiga muvofiq, navbatdagi sessiya kun tartibiga kiritilgan masala doirasida tumandagi umumta’lim maktablari hamda maktabgacha ta’lim tashkilotlarining kuz-qish mavsumiga tayyorgarlik holati o‘rganilmoqda.

Xalq deputatlari O‘rta Chirchiq tumani Kengashining 6-Do‘stlik saylov okrugi deputati Y.Musayev tomonidan 17-sonli MTMning kuz-qish mavsumiga tayyorgarlik holati o‘rganildi

O‘rganish davomida 17-sonli maktabgacha ta’lim tashkilotidagi isitish tizimi va mavjud texnik jihozlar holati ko‘zdan kechirildi.

Muassasada 2 ta qozonxona va 2 ta isitish qozoni soz holatda ekani aniqlandi. Shuningdek, mavjud 2 ta yevro qozonning yaroqsiz holatda ekani hamda suv minorasi bilan bog‘liq muammolar mavjudligi ma’lum bo‘ldi.

Mazkur o‘rganishlardan asosiy maqsad — ta’lim muassasalarining kuz-qish mavsumini betalafot o‘tkazishi va tarbiyalanuvchilar uchun munosib sharoit yaratishdan iborat.

✅ Xalq deputatlari O‘rta Chirchiq tumani Kengashi kotibiyati axborot xizmati!