Шымбай районында депутат ҳәм жаслар ушырасыўы өткерилди

♻️ Халық депутатлары Шымбай районлық Кеңесиндеги ӨзХДП депутатлық топары ағзасы Х.Абдижалиев ҳәм Миллий тикланиш ДП депутатлық топары ағзасы Е.Мадреймовлар “Көнши” МПЖ аймағында болып, белсенди жаслар менен ушырасты ҳәм олардың пикир ҳәм усынысларын үйренди.

✅ Ушырасыўда жасларды жоқары оқыў орынларына бағдарлаў, олардың кәсип таңлаўына көмеклесиў, бәндлигин тәмийинлеў ҳәм социаллық басламаларын қоллап-қуўатлаў мәселелерине айрықша итибар қаратылды. Буннан тысқары жаслардың заманагөй кәсиплерди терең өзлестириўи ушын жақыннан жәрдемлесиў, сондай-ақ, исбилерменлик басламаларын раўажландырыў, жеңиллетилген кредитлер алыў тәртиби ҳәм өз исбилерменлигин жолға қойыў ушын керекли шараятлар жаратыў ҳаққында сөз етилди.

✍️ Ушырасыў жуўмағында билдирилген пикир-усыныслар тийкарында анық илажлар белгиленип, депутатлар тәрепинен қадағалаўға алынды.