Xalq deputatlari Jondor tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

🇺🇿Unda Jondor tumani mahalliy budjetining qo‘shimcha manbalari hisobidan shakllangan mablag‘larni tegishli yo‘nalishlarga maqsadli va samarali yo‘naltirish masalasi muhokama markazida bo‘ldi.

🇺🇿Yig‘ilish davomida qo‘shimcha manbalardan foydalanishda hududning ijtimoiy-iqtisodiy rivoji, aholi ehtiyojlari hamda dolzarb muammolarni inobatga olish muhimligi ta’kidlandi. Mablag‘larni yo‘naltirishda qonuniylik, manzillilik va samaradorlik tamoyillariga qat’iy rioya etish zarurligi qayd etildi.

🇺🇿Doimiy komissiya a’zolari tomonidan taklif etilgan yo‘nalishlar atroflicha ko‘rib chiqilib, mablag‘lardan oqilona foydalanish, ularning sarflanishi ustidan deputatlik nazoratini kuchaytirish yuzasidan fikr va takliflar bildirildi.

🇺🇿Yig‘ilish yakunida muhokama qilingan masala yuzasidan tegishli qarorlar qabul qilinib, belgilangan vazifalarning ijrosini ta’minlash bo‘yicha mas’ullarga tavsiyalar berildi.