O‘ZBEKISTON RESPUBLIKASI DAVLAT SOLIQ XIZMATI XODIMLARI KUNI

Hurmatli soliq xizmati sohasi xodimlari va faxriylari!
Sizlarni O‘zbekiston Respublikasi Davlat soliq xizmati xodimlari kuni munosabati bilan samimiy muborakbod etamiz!

Mamlakatimiz iqtisodiy taraqqiyoti, davlat budjeti daromadlarining barqarorligini ta’minlash, tadbirkorlik subyektlari va fuqarolarga sifatli davlat xizmatlarini ko‘rsatish, soliq to‘lovchilar bilan ochiq va samarali muloqotni yo‘lga qo‘yish borasidagi mas’uliyatli mehnatingiz alohida e’tirofga loyiq.

Sizlarning fidokorona mehnatingiz, yuksak mas’uliyatingiz va kasbingizga sadoqatingiz mamlakatimiz taraqqiyoti hamda xalqimiz farovonligini ta’minlashga munosib hissa qo‘shmoqda.

Shu munosabat bilan barchangizga mustahkam sog‘lik-salomatlik, oilaviy xotirjamlik, baxt-saodat, mas’uliyatli va sharafli faoliyatingizda ulkan muvaffaqiyatlar tilaymiz.
Kasb bayramingiz muborak bo‘lsin!

Xalq deputatlari Sherobod tumani Kengashi kotibiyati matbuot xizmati.