Xalq deputatlari Buxoro viloyati Kengashi deputati L. Ergasheva hamda Jondor tumani Kengashi kotibiyati mudiri I. Xolovlar hamkorligida “Aleli” mahalla fuqarolar yig‘inida saylovchilar bilan uchrashuv o‘tkazildi.

🔹Muloqot davomida mahalla aholisi bilan hududdagi ijtimoiy-iqtisodiy masalalar, aholini qiynayotgan muammolar hamda ularni hal etish bo‘yicha amalga oshirilayotgan ishlar yuzasidan fikr almashildi. Saylovchilar o‘zlarini qiziqtirgan masalalar bo‘yicha murojaat va takliflarini bildirdilar.

🔹Uchrashuvda har bir murojaatni e’tiborsiz qoldirmaslik, muammolarni joyida o‘rganish va ularning qonuniy yechimini ta’minlash muhimligi ta’kidlandi. Bildirilgan taklif va murojaatlarni tegishli tashkilotlar bilan hamkorlikda o‘rganish hamda natijasi bo‘yicha tegishli choralar ko‘rish belgilandi.

🔹Bunday ochiq muloqotlar deputatlarning saylovchilar bilan bevosita aloqasini mustahkamlash, aholi muammolarini o‘z vaqtida aniqlash va ularni hal etishda mahalliy Kengashlarning amaliy ishtirokini kuchaytirishga xizmat qiladi.