QONUN — MADANIY FAOLIYAT VA MADANIYAT TASHKILOTLARI FAOLIYATINING HUQUQIY ASOSI

⚖️ Mazkur Qonun O‘RQ-668-son bilan 2020-yil 24-noyabrda Qonunchilik palatasi tomonidan qabul qilingan, 2021-yil
6-yanvarda Senat tomonidan ma’qullangan hamda 2021-yil
20-yanvarda imzolangan.

🎭 Qonunning asosiy maqsadi — mamlakatimizda madaniy faoliyatni amalga oshirish, madaniyat tashkilotlarining faoliyat yuritishi hamda ushbu sohadagi davlat siyosatini huquqiy jihatdan tartibga solishdan iborat.

📌 Qonunda:
🔹 madaniy faoliyatning asosiy prinsiplari;
🔹 madaniyat tashkilotlarining huquqiy maqomi va faoliyat yo‘nalishlari;
🔹 madaniyat sohasidagi davlat siyosatining asosiy yo‘nalishlari;
🔹 madaniy faoliyatni moliyalashtirish manbalari;
🔹 madaniyat tashkilotlarini tashkil etish va faoliyat yuritish tartibi;
🔹 sohada qonunchilikka rioya etilishi hamda javobgarlik masalalari belgilangan.

🏛 Madaniyat sohasidagi davlat siyosatini amalga oshirishda Vazirlar Mahkamasi, Madaniyat vazirligi, Prezident Administratsiyasi huzuridagi Axborot va ommaviy kommunikatsiyalar agentligi, “O‘zbekkino” Milliy agentligi hamda mahalliy davlat hokimiyati organlarining vakolatlari belgilab berilgan.

📖 Qonun 53 moddadan iborat bo‘lib, unda madaniyat tashkilotlarining turlari, ularning faoliyat yuritish tartibi, moliyalashtirish masalalari hamda qonunchilikni buzganlik uchun javobgarlik kabi muhim masalalar o‘z aksini topgan.

🌿 Madaniyat — milliy o‘zligimiz, ma’naviy merosimiz va jamiyat taraqqiyotining muhim omilidir. Shu bois madaniyat sohasining huquqiy asoslarini mustahkamlash va madaniy merosni asrab-avaylash muhim ahamiyat kasb etadi.

🤝 Xalq deputatlari Olmazor tumani Kengashi deputati Inobat Normurodova Qodirovna tomonidan mazkur Qonunning mazmun-mohiyatini aholiga yetkazish, fuqarolarning huquqiy savodxonligini oshirish va qonunchilik targ‘ibotini kuchaytirishga alohida e’tibor qaratilmoqda.

⚡️ Bizni ijtimoiy tarmoqlarda kuzatib boring!