Munosabat: Nurafshon shahrida chiqindilar bilan bog‘liq muammo deputat nazoratiga olindi

Nurafshon shahar "Bobur" MFYgi chiqindi yig‘ish maydonchasida chiqindilarning o‘z vaqtida olib chiqib ketilmaslik holati jiddiy o‘rganildi.
Xalq deputatlari Nurafshon shahar Kengashi kotibiyati mudiri K.Umarboev, kotibyat xodimlari tomonidan hududdagi obodonlashtirish ishlarining borishi va tozalik holatini ko‘zdan kechirish maqsadida ushbu manzilda bo‘ldi.

Muammo: Hududda chiqindilar belgilangan grafik asosida olib chiqib ketilmaganligi sababli, chiqindi qutilari atrofida noqonuniy to‘planishlar va noxush holat yuzaga kelgan.
Ko‘rilgan chora: Mazkur hududga xizmat ko‘rsatuvchi "Angren Bunyod Fayz" MCHJ mutasaddilariga aniqlangan kamchiliklarni zudlik bilan bartaraf etish bo‘yicha qat’iy topshiriqlar berildi.
⚠️ Muddat belgilandi: Hududni tozalash va kelgusida chiqindilarni o‘z vaqtida olib chiqib ketilishini tizimli yo‘lga qo‘yish bo‘yicha mas’ullarga qisqa muddat berildi. Kamchiliklarning bartaraf etilishi deputat nazoratida qoladi.
Tozalik va obodonchilik — avvalo o‘zimiz yashab turgan mahalla va uydan boshlanadi. Hududlardagi bu kabi muammolar e’tibordan chetda qolmaydi.