Murojaatda ko‘tarilgan masalani o‘rganish va hal etish natijasida mutasaddi tashkilotlar tomonidan Yuqori Valik MFY hududidagi mazkur ko‘chalarga transformator o‘rnatish ishlari boshlandi.
Ushbu amaliy ishlar, avvalo, hududda yashovchi fuqarolarning elektr energiyasiga bo‘lgan ehtiyojini yaxshilash, ta’minotdagi mavjud muammolarni bartaraf etish hamda elektr ta’minoti barqarorligini oshirishga xizmat qiladi.
️Deputatning saylovchilar bilan uchrashuvlari va hududni o‘rganishlari davomida aniqlangan muammolarning tegishli tashkilotlar oldiga qo‘yilishi hamda ularning amaliy yechim topishi deputatlik nazoratining muhim natijalaridan biridir.
Ayni paytda hududda boshlangan ishlarning sifati va belgilangan vazifalarning o‘z vaqtida bajarilishi deputat A.Rayimjonov tomonidan doimiy nazoratga olingan.
Deputat so‘rovida ko‘tarilgan masala to‘liq hal etilgunga qadar amalga oshirilayotgan ishlarning borishi nazorat qilib boriladi.
Fuqarolar manfaatini ta’minlash, hududdagi muammolarni o‘rganish va ularning amaliy yechimini topish — deputatlik faoliyatining ustuvor yo‘nalishlaridan biridir.
Deputat so‘rovi — muammo yechimiga xizmat qilmoqda!