Xalıq deputatları Bozataw rayonlıq Keńesi sekretariatınıń baslıǵı A. Ibragimov hám 13-sanlı «Porıltaw» saylaw okruginen saylanǵan deputat K. Bisenov 12-sanlı ulıwma orta bilim beriw mektebinde bolıp, mekteptiń gúz-qıs máwsimine tayarlıǵın, sonıń ishinde jılıtıw sistemasınıń jaǵdayın úyrendi.
Úyreniw dawamında mekteptiń ısıtıw qazanxanasındaǵı jıllılıq trubalarınıń gónergeni, tat basıp, ayırım bólimleriniń shiriy baslaǵanı, sonıń menen birge qazanxanadaǵı morılardıń da jaramsız jaǵdayǵa kelgenligi anıqlandı.
Bul jaǵday mekteptiń gúz-qıs máwsiminde oqıwshılar ushın qolaylı hám jılı sharayattı támiyinlew máselelerin keshiktirmey sheshiwdi talap etedi.
Anıqlanǵan másele boyınsha deputatlar tárepinen tiyisli taraw wákillerine deputatlıq soraw jiberiw hám jılıtıw sistemasındaǵı kemshiliklerdi tez arada saplastırıw boyınsha tiyisli ilajlardı kóriw boyınsha usınıslar berildi.
Deputatlıq úyreniwler arqalı bilimlendiriw mekemelerinde oqıwshılar ushın qáwipsiz, jılı hám qolaylı sharayatlardı támiyinlew máseleleri turaqlı túrde baqlap barılmaqta.