Xalq deputatlari Bogʻot tumani Kengashi kotibiyati mudiri M.Bobojonov hamda Dehqonobod mahallasidan saylangan deputat U.Ibrohimov bilan birgalikda mahalladagi joriy taʼmirlanayotgan oilaviy poliklinikada olib borilayotgan ishlar jarayoni bilan tanishdilar.

Oʻrganish davomida binoda 27 nafar quruvchi mehnat qilayotgani, ichki qismini toʻliq taʼmirlash ishlari boshlanganligi, isitish tizimini yangilash hamda elektr tarmogʻini modernizatsiya qilish ishlari olib borilayotgani maʼlum boʻldi.

Loyiha doirasidagi qurilish-taʼmirlash ishlarini sentyabr oyida yakunlash rejalashtirilgan.

Qurilish va taʼmirlash ishlarining sifatli, belgilangan talablar asosida hamda oʻz vaqtida yakunlanishi deputatlik nazoratiga olindi.