Haftalik_ish_reja_ijrosi
#_deputat_faoliyati
#_24_ta_masala
#_162_ta_qonun
DAVRA SUHBATI O‘TKAZILDI

Xalq deputatlari Sariosiyo tuman Kengashining “15-Telpakchinor” saylov okrugidan saylangan deputati, kotibiyat bosh mutaxassisi N.Xamdamova hamda “Madad” nodavlat notijorat tashkilotining tuman vakili hamkorligida aholi bilan ochiq muloqot va fikr almashishga qaratilgan davra suhbati tashkil etildi.

Tadbir davomida fuqarolarning huquqiy savodxonligini oshirish, ularning qonuniy huquq va manfaatlarini himoya qilish, murojaatlar bilan ishlash samaradorligini ta’minlash, shuningdek, jamiyatda fuqarolik faolligini yanada kuchaytirish masalalariga alohida e’tibor qaratildi.

Davra suhbatida ishtirokchilar o‘zlarini qiziqtirgan masalalar yuzasidan fikr-mulohazalarini bildirib, mavjud muammolar va ularning yechimlari borasida takliflarini ilgari surdilar. Fuqarolarning murojaatlarini o‘rganish, muammolarni joyida aniqlash va ularni tegishli tashkilotlar bilan hamkorlikda hal etish muhim vazifalardan biri ekani ta’kidlandi.

Shuningdek, 2017-yil 11-sentyabrda qabul qilingan “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuni O‘RQ–445-son mazmun-mohiyati yuzasidan fikr almashildi.

Bunday ochiq muloqotlar fuqarolar bilan bevosita va samarali aloqa o‘rnatish, ularning taklif va tashabbuslarini o‘rganish, joylardagi dolzarb masalalarni aniqlash hamda amaliy yechimlar ishlab chiqishda muhim ahamiyat kasb etadi.

Tadbir yakunida bildirilgan taklif va mulohazalarni amaliyotga tatbiq etish, aholi bilan hamkorlikdagi ishlarni izchil davom ettirish hamda fuqarolarning murojaatlari bilan ishlash samaradorligini oshirish bo‘yicha tegishli vazifalar belgilab olindi.