Xalq deputatlari Bag‘dod tumani Kengashining 19-"Konizar" saylov okrugi deputati F.Musurmonqulov hamda Kengash Kotibiyati bosh mutaxassisi U.Raximjonov tomonidan "Maylovoy" mahalla fuqarolar yig‘ini hududida 2026-yilgi ijtimoiy-iqtisodiy rivojlantirish dasturiga kiritilgan loyihaning amalga oshirilish jarayoni joyiga chiqib o‘rganildi.

O‘rganish davomida mazkur mahalla Xalq deputatlari Bag‘dod tumani Kengashining 2026-yil 11-fevraldagi VII-18-8-11-152-K/26-sonli qarori bilan og‘ir hudud sifatida belgilanganligi hamda mazkur hududni rivojlantirish uchun ajratilgan mablag‘larning maqsadli sarflanishi yuzasidan amalga oshirilayotgan ishlar ko‘zdan kechirildi.

Xususan, elektr ta’minoti va muhandislik-kommunikatsiya infratuzilmasini yaxshilash maqsadida amalga oshiriladigan loyiha doirasida:
🔹 3 dona (250 kVA) transformator o‘rnatish;
🔹 150 dona temir-beton tayanch ustunlarini o‘rnatish;
🔹 6 kilometr SIP kabel tortish (yangilash) ishlari amalga oshiriladigan hududlar o‘rganildi.

O‘rganish yakunida loyiha fuqarolar manfaatlaridan kelib chiqib, qulay va maqbul hududlarda amalga oshirilishi rejalashtirilgani ta’kidlandi.