Muammolar o‘rganildi

Xalq deputatlari Qo‘shko‘pir tuman Kengashi deputati, Kengash kotibiyati bosh mutaxassisi Azizbek Erkinov Paxtakor mahallasi Porloq ko‘chasi ko‘cha boshi Jumakov Komiljon bilan birgalikda hududdagi mavjud muammolarni o‘rgandi.
O‘rganish davomida mahalla aholisi bilan bevosita muloqot qilinib, fuqarolarni qiynayotgan masalalar, hududdagi ijtimoiy va infratuzilmaga oid muammolar hamda ularni hal etish bo‘yicha takliflar atroflicha o‘rganildi.
Fuqarolar murojaatlarini joyida tinglash, mavjud muammolarga amaliy yechim topish hamda aholining turmush sharoitini yaxshilash masalalariga alohida e’tibor qaratildi. Aniqlangan muammolarni tegishli tashkilotlar bilan hamkorlikda bartaraf etish, ularning ijrosini nazoratga olish yuzasidan tegishli taklif va tavsiyalar ishlab chiqildi.
Bunday sayyor o‘rganishlar xalq bilan ochiq va samimiy muloqotni kuchaytirish, fuqarolarning qonuniy manfaatlarini ta’minlash hamda hududni kompleks rivojlantirishda muhim ahamiyat kasb etadi.