📌Xalq deputatlari Yashnobod tumani Kengashi deputati Nigora Murotova “Qo‘yliqobod” mahallasida joylashgan 215-sonli umumta’lim maktabida yangi 2026–2027 o‘quv yiliga tayyorgarlik jarayonini o‘rgandi

❗️Tashrif davomida maktab binolari va sinf xonalarining holati, joriy ta’mirlash ishlari, hududni obodonlashtirish, moddiy-texnik bazani mustahkamlash hamda o‘quvchilar uchun yaratilayotgan shart-sharoitlar ko‘zdan kechirildi.

❗️Shuningdek, deputat 1-sinfga qabul jarayoni bilan ham tanishib, hujjatlarni qabul qilish, ota-onalar uchun yaratilgan qulayliklar hamda jarayonning ochiq va shaffof tashkil etilishiga alohida e’tibor qaratdi.
Yakunda aniqlangan masalalar yuzasidan mas’ullarga tegishli tavsiya va takliflar bildirilib, yangi o‘quv yilini puxta tayyorgarlik bilan kutib olish muhimligi ta’kidlandi.