BEPUL DORI-DARMONLAR: HISOB VA TARQATISH TARTIBI NAZORATDA

Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat Artikov Davron Omarbayevich tomonidan 50-sonli oilaviy poliklinikada bepul dori-darmonlar ta’minoti bo‘yicha o‘rganish ishlari davom ettirildi.

📋 O‘rganish jarayonida bepul beriladigan dori vositalarini fuqarolarga tarqatish jurnalining yuritilishi ko‘zdan kechirildi.

🔎 Jumladan, dori vositalarining hisobini yuritish, ularni fuqarolarga belgilangan tartibda berish hamda ta’minot holati yuzasidan mas’ullar bilan fikr almashildi.

🤝 O‘rganish davomida aholiga zarur dori vositalarini o‘z vaqtida va belgilangan tartibda yetkazib berish, hisobdorlik va shaffoflikni ta’minlash muhimligi ta’kidlandi.

⚡️ Bepul dori-darmonlar ta’minoti ustidan deputatlik va jamoatchilik nazorati aholining ijtimoiy himoyasini ta’minlashning muhim yo‘nalishlaridan biridir.