O‘zbekiston Respublikasi Prezidentining 2024-yil 28-martdagi PQ-141-sonli qarori ijrosi doirasida Muzrabot tumanida «Qishloq joylarni kompleks rivojlantirish» loyihasi amalga oshirilmoqda.

Loyiha asosida tuman hududidagi 15 ta mahallada keng ko‘lamli qurilish va obodonlashtirish ishlari olib borilmoqda. Bugun mazkur mahallalarning qaysi biriga borilmasin, bunyodkorlik ishlari jadal sur’atlarda davom etayotganiga guvoh bo‘lish mumkin.

Mazkur loyiha bo‘yicha tumanning “Sopollitepa” mahallasida hududida yangi DMTTni qurish ishlari jadallik bilan bajarilmoqda.

Ushbu jarayonlar tanishish maqsadida xalq deputatlari Muzrabot tumani Kengashi kotibiyati mudiri D.Sherboyev tuman Kengashi deputati B.Aliqulov saylangan 18-Sopollitepa saylov okrugiga qarashli “Sopollitepa” mahallasida qurilish obyektiga borib, bajaruvchi tashkilot tomonidan amalga oshirilayotgan ishlar holatini o‘rgandi.

O‘rganish davomida tayyorlangan qurilish loyihasiga asosan belgilangan talablar doirasida bajarilishi alohida e’tibor bilan nazorat qilindi.

Shuningdek, deputat tomonidan mas’ullarga qurilish ta’mirlash ishlarining o‘z vaqtida va sifatli bajarilishi yuzasidan tavsiya va ko‘rsatmalar berildi.