АҲОЛИ МУРОЖААТЛАРИ — ЭЪТИБОР МАРКАЗИДА
Бугун туман ҳокими, халқ депутатлари Янгиқўрғон туман Кенгаши депутати Нажмиддинов Асадулла Икромовичнинг навбатдаги фуқаролар қабули бўлиб ўтди.
Қабулда аҳоли томонидан уй-жой, кадастр ҳужжатларини расмийлаштириш, соғлиқни тиклаш, моддий ёрдам олиш, иш билан таъминлаш, коммунал хизматлар, ички йўлларни таъмирлаш, электр таъминоти, ичимлик суви, ижтимоий нафақа ва кредит масалалари юзасидан мурожаатлар билдирилди.
Ҳар бир мурожаат атрофлича ўрганилиб, мутасадди ташкилот раҳбарларига тегишли вазифалар юклатилди. Айрим масалалар жойида ҳал этилган бўлса, қўшимча вақт талаб этадиган мурожаатлар бўйича масъулларга аниқ топшириқлар берилди.
Туман ҳокими фуқаролар муаммоларини ўз вақтида ҳал этиш, аҳоли розилигини таъминлаш ҳамда мурожаатларга бефарқ бўлмаслик муҳим эканини алоҳида таъкидлади.
Қабулда халқ депутатлари Янгиқўрғон туман Кенгаши котибияти мудири Эргашева Мунисхон Рустамбековна ҳам иштирок этди.