FUQAROLARNING MUROJAATLARI BILAN ISHLASH – DOIMIY DIQQAT MARKAZIDA
Aholi bilan toʻgʻridan-toʻgʻri muloqot qilish, ularning dardu tashvishlariga qonuniy yechim topish maqsadida Xalq deputatlari tuman Kengashi kotibiyati mudiri B.Amanov fuqarolar uchun navbatdagi qabulni oʻtkazdi.
Uchrashuv davomida koʻplab fuqarolarning shaxsiy va ijtimoiy xarakterdagi masalalari, mahallalarni obodonlashtirish hamda ijtimoiy qoʻllab-quvvatlashga oid murojaatlari birma-bir koʻrib chiqildi. Bildirilgan muammolarning aksariyati joyida hal etilgan boʻlsa, vaqt talab qiladigan ijro nazorati kotibiyat mudiri tomonidan shaxsan oʻz zimmasiga olindi.
"Maqsadimiz — har bir fuqaroning ovozini eshitish va muammosiga amaliy yechim topish," — deya taʼkidladi B.Amanov. Tuman Kengashi kotibiyati aholi farovonligi yoʻlida tizimli muloqotni davom ettiradi.