111-MAKTABDA SPORT ZALI VA SPORT JIHOZLARI HOLATI O‘RGANILDI

📍 Xalq deputatlari Olmazor tumani Kengashi deputati Dilshod Tashpo‘latovga Kengash Kotibiyati tomonidan biriktirilgan Kotibiyat bosh mutaxassisi B. Xoliqjonova hamda “Achaobod” mahalla fuqarolar yig‘ini yoshlar yetakchisi X.Turg‘unov ishtirokida hududda joylashgan 111-sonli umumta’lim maktabida o‘rganish ishlari olib borildi.

🔎 O‘rganish Mahalliy Kengash deputatlari faoliyatining eng muhim 24 ta ustuvor yo‘nalishi doirasida tashkil etilib, maktab sport zalining mavjud holati, sport anjomlari bilan ta’minlanganlik darajasi, jihozlarning saqlanishi va ulardan foydalanish imkoniyatlariga e’tibor qaratildi.

⚽️ Mazkur o‘rganishdan maqsad — o‘quvchilar uchun jismoniy tarbiya va sport mashg‘ulotlarini tashkil etishga yaratilgan shart-sharoitlarni baholash, sport infratuzilmasining holatini o‘rganish hamda mavjud masalalarni aniqlashdan iborat.

📌 O‘quvchi-yoshlarning sport bilan muntazam shug‘ullanishi uchun munosib sharoit yaratish, ta’lim muassasalarida sport infratuzilmasini rivojlantirish va mavjud imkoniyatlardan samarali foydalanish deputatlik nazoratining muhim yo‘nalishlaridan biridir.

👇 Bizni ijtimoiy tarmoqlarda kuzatib boring!