Jizzax viloyati Do‘stlik shahridagi Mevazor mahallasi aholisi uchun yangi kutubxona ochildi

Aholi va yoshlar istaklarini ro‘yobga chiqarish, ularning kitobga bo‘lgan qiziqishlaridan kelib chiqqan holda mahalla idorasi binosida barcha sharoitlarga ega zamonaviy kutubxona tashkil etildi. Ushbu tashabbus Xalq deputatlari viloyat Kengashi deputati X.Abduniyazovning sa’i-harakatlari bilan "El ravnaqi" nodavlat notijorat tashkilotining davlat grantidan yutib olgan 50 mln.lik loyihasini jalb qilish bilan amalga oshirildi.
Kutubxonada 130 nomdagi jami 500 taga yaqin turli janrdagi kitoblar mavjud bo‘lib, kitobxonlar ajdodlarimizning buyuk ma’naviy meroslari, jahon adabiyoti durdonalari, yaqin o‘tmishdagi adabiyotshunos olim va yozuvchilarning asarlarini, shuningdek, siyosiy va boshqa ma’rifiy kitoblarni o‘qishlari mumkin.
Kutubxonaning ochilishida "Jizzax ovozi" gazetasi va viloyat Axborot resurs markazining ham qimmatbaho kitoblari estalik uchun topshirildi. Ushbu tadbirda viloyat deputati X.Abduniyazov va tuman deputati J.Ernazarovlar ishtirok etishdi.